Хархорин сумын иргэдийн Төлөөлөгчдийн Хурал, ажлын алба 2021 оны үйл ажиллагааны үр дүн, гүйцэтгэлээрээ аймгийн хэмжээнд 91.5 хувьтай үнэлэгдэж “Дэд" байрт шалгарч үйл ажиллагааныхаа эхний жилийн хийж хэрэгжүүлсэн ажлаа амжилттай дүгнүүллээ.

   Дэлхий нийтийг хамарсан аюулт цар тахлын хүндхэн сорилтын үед иргэд та бүхэнтэйгээ хамтран иргэдийн дунд тулгамдсан бүхийл асуудлуудыг цаг алдалгүй хурлаараа хэлэлцэж, холбогдох шийдвэрийг гаргаж, дээд шатанд уламжилж, 2021 онд сумын ИТХ 8 удаа, тэргүүлэгчид 17 удаа хуралдаж төлөөлөгчид маань өндөр ирцтэй, асуудалд ажил хэрэгч хандаж оновчтой шийдвэр, тогтоол гаргасанг онцлох нь зүйн хэрэг.