Өвөрхангай аймгийн төв Арвайхээр сум /хот/, Эртний нийслэл Хархорин сум /хот/ -ын Өвөрхангай аймгийн хөгжилд оруулж буй хувь нэмэр, өнгө төрхийн талаар хэлэлцүүлэг хийх, Тухайн сумд /хот/-уудын Иргэдийн төлөөлөгчдийн хурлаас баримталж буй бодлого, шийдвэрт хотын соёл, хөгжлийн бодлого хэрхэн тусч буй талаар ярилцах, Төлөөлөгчдийн байр суурийг солилцох уулзалт арга хэмжээ өнгөрөгч амралтын өдрүүдэд /2022.09.03-04/ Хархорин суманд боллоо.

Тус арга хэмжээг Арвайхээр сумын ИТХ, Хархорин сумын ИТХ-аас хамтран зохион байгууллаа. Уулзалтын хүрээнд төлөөлөгчдийн дунд “Орон нутгийн хөгжилд хотуудын оролцоо ба ИТХ-ын төлөөлөгчдийн үүрэг, оролцоо” сэдэвт хэлэлцүүлэг өрнүүлж, Гар бөмбөг, Сагсан бөмбөгийн нөхөрсөг тэмцээн зохион байгууллаа.

Хэлэлцүүлгийн хүрээнд сумдын ИТХ-ын төлөөлөгчдөөс ирсэн санал, хүсэлтүүдийг Аймгийн ИТХ-д Арвайхээр, Хархорин сумдаас сонгогдсон төлөөлөгчдөд болон Аймгийн ИТХ-ын ажлын албанд ирүүлж, бодит ажил хэрэг болгож хамтран ажиллах санал ирүүллээ.