Монгол бахархлын өдөр буюу өвлийн тэргүүн сарын шинийн нэгэн Чингис хааны мэндэлсэн өдрөөр Хархорин сумын ИТХ-ын төлөөлөгчид болон ЗДТГ, иргэд хамтран Чингис хааны төрсөн нутаг болох Хэнтий аймгийн Биндэр суманд ургадаг үрээр тарьсан 3 настай нарс модыг “Тэнгэрийн мандал” цэцэрлэгт хүрээлэнд өөрсдийн бахархлын мод болгон тарилаа.
Мөн Чингис хаан, Өгөөдэй хаан, Гүег хаан болон Өндөр гэгээн Занабазарын дурсгалын барималд хүндэтгэл үзүүлж тус цэцэрлэгт хүрээлэнг үүсгэн байгуулагч Ж.Ганбаатар гуайтай Хархорин хотыг хүүхэд залуучуудад ээлтэй ногоон байгууламж бүхий экологийн сургалтын төв болгон хөгжүүлэх талаар ИТХ-ын төлөөлөгчид санал бодлоо солилцлоо.
2024.11.01
